Thursday, April 23, 2009

नक्कल !?

नक्कल करणे मला कधी ते जमतच नाही
नक्कल करुनी काय साधते कळतच नाही

नक्कल करणे आवाजाची असे कुशलता
पण दुस-याचा स्वर गुणगुणणे रुचतच नाही

चेह-यावरचे भाव कठिण ते नकलायाला
चेह-यावर बोलक्या, मुखवटा चढतच नाही

नकलेसाठी सूक्ष्म पाहिजे जरी निरीक्षण
स्वत:इतके जवळुन कोणी दिसतच नाही

नकलेसाठी शोधावी लागतात पात्रे
इथे कुणाची चाहुल कानी पडतच नाही

करता नक्कल लपवावे लागते स्वत:ला
लपवाछपवीचे धंदे मी करतच नाही

बोले तैशी चाले - ऐसी दुनिया नाही
'न-कला' करणे कला कशी ते कळतच नाही

- मंदार.

8 comments:

TP said...

liheet raha bagh mitra.

Ketan said...

chhan ahe,
4 tha kadava sahi ahe

Ashutosh said...

mast..

brownianmotion said...

masta re!

Saee said...

Hehe..very cute. =)

Mandar Gadre said...

धन्यवाद! :)

mak said...

kavita mhaNun surekh ahech, parantu nakkal hi kalaa ek kalaa mhaNun kashi awaghaD ahe tari swatahla ti ka ruchat nahi hyache atishay susambaddha spashTikaraN dile aahes. khudda tujhe nakkal karNya babatche ase wichar nasle, aNik nusta padyaacha wishay mhaNun ha niwaDla aslas tari susangatee pharach ullekhaneey ahe.
paN ek wichar mhaNun me hyashi nakkich sahamat nasen.

Ashwin said...

brilliant ending!

There was an error in this gadget