Friday, January 08, 2016

प्रतिबिंब

असा गंंध वा-यावरी स्वार होता
तिच्या कुंतलांनी फुलारून जावे
असा बासरीचा निळा सूर येता
तिच्या रोमरोमात गाणे भिनावे

असे पान-पानात वैशाखसोने
बहाव्यापरी ती झळाळून यावी
असा श्रावणाचा धरास्पर्श होता
शहारून संकोचिनी ती मिटावी

असा मी रसासक्त रंगून जाता
तिने खोल माझ्यात हरवून जावे
पहाटे पहाटे तिला नीज येता
पुन्हा स्वप्नमार्गे मला बोलवावे 



- मंदार.

3 comments:

Prachi Kelkar-Bhide said...

केवळ सुंदर :)👌

Prachi Kelkar-Bhide said...
This comment has been removed by a blog administrator.
शंतनु said...

Apratim. Khup awadli. Lajalu la Sankochini ha shabda pan awadlay

There was an error in this gadget