Wednesday, February 07, 2007

विडंबन - गुंतता हृदय हे ..

(मूळ नाट्यगीत:

गुंतता हृदय हे या कमलदलाच्या पाशी
हा प्रणयगंध परिमळे तुझ्या अंगाशी ..

या इथे जाहला संगम दो सरितांचा
प्राक्तनी आपुल्या योग तिथे प्रीतीचा
अद्वैत आपुले घडता या तीर्थाशी
हा प्रणयगंध परिमळे तुझ्या अंगाशी ..

दुर्दैवीं आपण दुरावलो या देही
सहवास संपता डागळले ऋण तेही
स्मर एकच तेव्हा सखये निज हृदयाशी
हा प्रणयगंध परिमळे तुझ्या अंगाशी ..)

lyrics: thanks to Gayatri


************


माझा विडंबनाचा प्रयत्न :

झिंगता तू असा त्या गुत्त्याच्यापाशी
हा सोमगंध परिमळे तुझ्या अंगाशी ..

या इथे जाहली गंमत दो पेल्यांची
प्राशुनी त्या रसा अनुभूती स्वर्गाची
अर्वाच्य बरळिशी बसुनी कट्टयापाशी
हा सोमगंध परिमळे तुझ्या अंगाशी ..

दुर्दैवी तू पण, झिंगुन जाशी गेही
रसराज संपला, संपविले ऋण तेही
स्मर ते दिन आता सखया निज हृदयाशी
हा सोमगंध परिमळे तुझ्या अंगाशी ..

-- मंदार.


tags: guntata hriday he hruday jitendra abhisheki ramdas kamat

8 comments:

Gayatri Patwardhan said...

wa!!
:)

antarnad said...

का हो मंदारभाऊ माझ्या अतिशय आवडत्या गाण्यावर अशी मेहेरबानी केलीत...विडंबन जमलंय झकास...पण...

Shashank said...

एकदम antipodal आहे
पण बेष्टं जमलंय :)

Saee said...

Amazing!
Khupach sahiye..and the rich language makes it funnier..bharee!

सहज said...

fakkad ...:)))

HAREKRISHNAJI said...

wa surekh

Roger Waters said...

Technically, somaras is believed to be a narcotic drink :P but well, who cares

Milind said...

zakkas ahe
baba veLankarans dakhav ekda :P

There was an error in this gadget