दीप-दान

सांजवाती विसरून

चांदण्यांत रमे ज्योती
पुन्हा प्रकाशाची वाट
स्निग्ध समया पाहती

दिवाळीच्या संध्याकाळी

ज्योती ज्योतींनी पेटवा

सोनतेजाच्या दूतांना

त्यांची लेकुरे भेटवा ..!

🎇  दिवाळीच्या खूप खूप शुभेच्छा !  🎇

- मंदार.

तो. मी. आपण.

जुने ते मुळांतून छाटीत जातो
नवी रोपटे तेथ लावीत जातो

जुनी प्रश्नचिन्हे पुन्हा पाहताना
नव्या ठोकताळ्यांस मांडीत जातो

जुन्याचा जराही कधी भास होता
नव्याची मनी दृष्ट काढीत जातो

जुन्या चित्रमालेतले रंग उडले
नवे गोजिरे रूप रेखीत जातो

जुने बंध सुटले, गडी तो नव्याने
नवे राज्य घेण्यास शोधीत जातो

- मंदार.